Behin-behineko laguntzak aitortu ahal izango dira –zigor-prozesua amaituko duen ebazpen judizial irmoa eman aurretik–, betiere biktimaren edo bere onuradunen egoera ekonomiko prekarioa egiaztatzen bada. Halako behin-behinekotasuna egongo da, urteko konputuan, eskaeraren datan indarrean dagoen IPREM baino diru-sarrera handiagorik jasotzen ez badute.
Delituaren biktima sexu-indarkeriaren edo genero-indarkeriaren biktima denean, lege honen 2.1 artikuluan ezarritako moduan, behin-behineko laguntzak eman ahal izango dira, biktimaren edo onuradunen egoera ekonomikoa edozein dela ere.
Behin-behineko laguntzaren zenbatekoak ezingo du 100eko 80 gainditu dagokion behin betiko laguntza-zenbatekoaren gehienezko zenbatekoa, salbu eta sexu- edo genero-indarkeriagatiko hileta-gastuengatik eta osasun mentalean izandako kalteengatik ematen diren laguntzetan, horietan ez baita muga hori aplikatuko.