Errepublikako Indarrak eta Institutu Armatuak

Ley 37/1984, de 22 de octubre, de reconocimiento de derechos y servicios prestados a quienes durante la guerra civil formaron parte de las Fuerzas Armadas, Fuerzas de Orden Público y Cuerpo de Carabineros de la República (B.O.E. 1/11/1984)

I.- Errepublikako Indar eta Institutu Armatuetako militar profesionalak

Kausatzaileak

1936-1939 bitarteko Gerra Zibilean II. Errepublikari zerbitzuak eman zizkioten Indar eta Institutu Armatuetako kideak, funtzionario militar gisa.

Onuradunak

Kausatzaileak berak.
Ezkontide alargunak, ezkontide ohiak edo izatezko bikotekideak eta 21 urtetik beherako umezurtzak edo adin horretatik gorakoak, lan orotarako ezgaituta daudenak horiek bete baino lehenagotik edo kausatzailea hil baino lehenagotik, kasu bakoitzean aplikatzekoa den Klase Pasiboei buruzko legerian ezarritako betekizunak betetzen badituzte.

Pentsioaren zenbatekoa

Pentsioen zenbatekoa izango da kausatzaileari aitortutako zerbitzuen denboraren eta enpleguaren arabera dagokiona, langile militarrentzat 1984-12-31n indarrean zegoen Klase Pasiboen araudia aplikatuta.

II.- Errepublikako Indar eta Institutu Armatuetako borrokalari ohi ez-profesionalak

Kausatzaileak

1936-1939 bitarteko gerra zibilean Indar Armatuetan Errepublikari zerbitzua eman ziotenak, gutxienez ofizialorde baten enplegu edo gradu militarra eskuratuta; orobat, adierazitako denbora-tartean Ordena Publikoko Indarretako edo Karabineroen Kidegoko kide izan zirenak. Hori guztia, baldin eta 1939ko apirilaren 1a baino lehen funtzionario (profesional) militartzat hartzen ez baziren.

Onuradunak

Kausatzaileak berak.
Ezkontide alargunak, ezkontide ohiak edo izatezko bikotekideak eta 21 urtetik beherako umezurtzak edo adin horretatik gorakoak, lan orotarako ezgaituta daudenak horiek bete baino lehenagotik edo kausatzailea hil baino lehenagotik, baldin eta kasu bakoitzean aplikatzekoa den Klase Pasiboei buruzko legerian ezarritako betekizunak betetzen badituzte.

Pentsioen zenbatekoa

1. ATALA Kausatzaileen alde:

Pentsioaren zenbatekoa 37/1984 Legearen I. titulua aplikatzeko profesionaltzat hartzen diren langileei hirurtekoak zenbatu gabe dagokien pentsioaren % 100 izango da.

Eragileen aldeko pentsioen zenbatekoa ezingo da izan Gizarte Segurantzaren Sisteman ezkontidea ardurapean daukaten 65 urtetik gorakoentzako erretiro-pentsioetarako gutxieneko zenbateko gisa ezarritakoa baino txikiagoa; zenbateko hori 1.127,60 €/hil izango da 2025. urterako.

2. Senideen alde:

Alarguntasun- eta zurztasun-pentsioen zenbatekoa kausatzaileari legokiokeenaren 100eko 50 edo 100eko 20 da, hurrenez hurren.

Alarguntasun-pentsioen zenbatekoa ezingo da izan Gizarte Segurantzaren Sisteman 65 urtetik gorakoen alarguntasun-pentsioetarako gutxieneko zenbateko gisa ezarritakoa baino txikiagoa; zenbateko hori 874,40 €/hil izango da 2025. urterako.

Alarguntasun-pentsiorik ez badago, zurztasun-pentsioari alarguntasun-pentsioaren zenbatekoa gehituko zaio.