Gizarte Segurantzari dagozkion Komunitate-araudiak ezarriz eskatuko diren prestazioak interesdunaren bizileku-herrialdean eskumena duen erakundearen aurrean aurkeztu behar dira Estatuko Klase Pasiboen Erregimeneko funtzionarioen pentsioei dagokienean; Espainian eskumena duen erakundea Gizarte Segurantzaren Antolaketarako Zuzendaritza Nagusia da.
Interesdunak, elkarren segidan, Estatuko klase pasiboen erregimenean zerbitzualdiak eta Gizarte Segurantzako kotizazioak egiaztatzen baditu, azken kotizazioak egin dituen kudeaketa erakunde edo organoari –Gizarte Segurantzako Institutu Nazionala dagokio eskuduntza. Azken kotizazio horiek aldi berean egin badira, erakunde eskuduna izatea interesdunak egiaztatzen duen kotizazioaldirik handiena egindako erregimenekoari egokituko zaio.
Europar Batasuneko arautegia aplika dezaten eskatzeak dakar kotizazioko edo aseguratzeko aldiak egiaztatzen dituzten Estatuetako legedi guztien arabera dagozkion pentsioak onartzea eta ordaintzea.